“Amal xeyriyyə” nin aztəminatlı ailələrə ( şəxslərə) köməklik məqsədilə göstərdiyi ilk layihələrdən biri ərzaq layihəsidir.Tələblərə uyğun olaraq himayəmizə götürülən 100 - dən çox ailəyə ( şəxsə ) hər ay könüllülərimiz vasitəsilə ərzaq paketləri çatdırılır.Günü-gündən artan müraciətlərin sayını nəzərə alaraq, himayəyə götürülən ailələr (şəxslər) 3 ay ərzində ərzaq paketləri ilə təmin olunur.Ərzaq layihəsi üzrə himayədən çıxarılmış aztəminatlı ailələr ( şəxslər) yardım üçün yenidən müraciət edərsə, təkrar araşdırma aparılır və ehtiyac sahibi olan ailə ( şəxs ) kimi qiymətləndirilərsə, ərzaq yardımı bərpa edilir.

“Amal” xeyriyyənin təşəbbüsü ilə həyata keçirilən təhsil yönümlü layihələrin əsas məqsədi, şəhər və kənd yerlərində yaşayan, sosial və iqtisadi cəhətdən həssas kateqoriyaya aid olan məktəbli və tələbələrin təhsilə çıxış imkanlarını genişləndirmək, onların şəxsi və peşəkar inkişafına dəstək verməkdir.

“Amal” xeyriyyə komandası, həmçinin, aztəminatlı ailələrin xəstəliklərdən əziyyət çəkən üzvlərinin qayğısına qalır. Tibbi yardım üçün müraciət edənin müraciəti rəsmi sənədləri əsasında qeydə alındıqdan sonra araşdırma qrupu tərəfindən ehtiyac sahibi olan ailə ( şəxs ) kimi qiymətləndirilərsə, əməkdaşlarımız tərəfindən klinikalara yönləndirilir. Tibbi yardım bizimlə əməkdaşlıq edən klinikalar, reabilitasiya mərkəzləri, həmçinin könüllü həkimlər tərəfindən təmənnasız və ya xüsusi endirimli qiymətlər əsasında həyata keçirilir.Eyni zamanda müraciət əsasında rəsmi sənədlərlə himayəmizə götürülən ailə (şəxs)dərman vasitələri və digər tibbi ləvazimatlar ilə təmin olunur.

“Amal” xeyriyyə illər uzunu öz fərdi evi olmayan himayəsindəki aztəminatlı ailələr üçün evlər tikir və ya ev şəraitinin yaxşılaşdırılması məqsədilə təmir-tikinti işlərinin aparılmasını təmin edir.Bizə bu layihənin həyata keçirilməsində könüllü ustalarımızın təmənnasız dəstəyini və xeyriyyə ianəçilərin maddi yardımlarını kömək olur.