“Amal” xeyriyyənin təşəbbüsü ilə 2020-ci ildən etibarən həyata keçirilən “Qızlar oxusun” layihəsinin əsas məqsədi, kənd yerlərində yaşayan, sosial və iqtisadi cəhətdən həssas kateqoriyaya aid olan məktəbli və tələbə qızların təhsilə çıxış imkanlarını genişləndirmək, onların şəxsi və peşəkar inkişafına dəstək verməkdir. Layihə çərçivəsində “Məktəbli qızların təhsilinə dəstək” təqaüd proqramı icra olunur. Bu proqram yalnız kənd məktəblərində təhsil alan, yüksək potensiala malik və maddi çətinliklərlə üzləşən abituriyent qızlar üçün nəzərdə tutulmuşdur. Məqsəd bu qızların ali təhsil imkanlarına çıxışını asanlaşdırmaqdır.

"Amal Xeyriyyə"nin 2019-cu ildən fəaliyyət göstərən "KitabGəzər" layihəsi ölkəmizin ucqar kənd məktəbləri, uşaq evləri və sığınacaqlar, kənd gənclər mərkəzləri, cəzaçəkmə müəssisələri və təcridxanalarda, həmçinin hərbi hissələrdə kitabxanalar quran sosial təşəbbüsdür. Son beş il ərzində layihə çərçivəsində 47-dən çox rayonda 200-dən çox kitabxana yaradılmış, ümumilikdə isə 22.000-ə yaxın kitab ianə edilmişdir. Hazırda kənd məktəblərindəki aktiv kitabxana sayı 142-dir. Qeyd edək ki, məktəblərə təqdim edilən bütün kitablar möhürlənir və nömrələnir.

“Amal” xeyriyyə olaraq, məqsədimiz maddi çatışmazlıqla üzləşən, lakin yüksək potensiala sahib olan gənclərin - həm qızların, həm də oğlanların təhsilə çıxış imkanlarını artırmaqdır. Layihə çərçivəsindəq 2 ildir ki, “Təhsilə davam” layihəmiz uğurla fəaliyyət göstərir.

Sumqayıt ərazisindəki “AMAL” a müraciət edən ailələrin övladlarının qəbulu Sınaq və imtahan nəticələrinin dəyərləndirilməsi Kar yera üzrə məsləhət xidməti Ödənişsiz təhsil və peşə seçiminə istiqamətləndirmə